27
Monday
January 2020

27
Monday
January 2020

Stories UPDATES

ഭാഗ്യം ചെയ്ത മകൻ ; മാതാപിതാക്കളുടെ കൈ പിടിച്ച് സർവീസിൽ നിന്ന് പടിയിറക്കം

3rd of June 2019

മകന്‍ വിരമിക്കുമ്പോള്‍ കൈപിടിയ്ക്കാനായി പ്രായം മറന്ന് മാതാപിതാക്കളെത്തി

-സി.കെ ഷിജിത്

സര്‍വകലാശാലയിലെ യാത്രയയപ്പ് ചടങ്ങിനിടെ സരസന്‍ മാതാപിതാക്കള്‍ക്കൊപ്പം 

തേഞ്ഞിപ്പലം: കാലിക്കറ്റ് സര്‍വകലാശാലയില്‍ നിന്ന് കഴിഞ്ഞ വെള്ളിയാഴ്ച വിരമിക്കുന്നത് ആറ് അധ്യാപകര്‍ ഉള്‍പ്പെടെ 32 പേരാണ്. എല്ലാവര്‍ക്കുമായി സ്റ്റാഫ് വെല്‍ഫെയര്‍ഫണ്ട് വ്യാഴാഴ്ച നടത്തിയ യാത്രയയപ്പ് ചടങ്ങില്‍ ഒരാളെ മാത്രം കൈപിടിച്ച് സ്വീകരിക്കാന്‍ മാതാപിതാക്കളെത്തി. പരീക്ഷാഭവനിലെ ബി.എ. വിഭാഗത്തില്‍ അസി. സെക്ഷന്‍ ഓഫീസറായ ടി. സരസനാണ് ഈ ഭാഗ്യവാന്‍.
84 വയസ്സുള്ള പിതാവ് തങ്കപ്പനും 78-കാരിയായ മാതാവ് ജഗദമ്മയും ചടങ്ങില്‍ പങ്കെടുക്കാനായി കൊല്ലം ജില്ലയിലെ പന്മനയില്‍ നിന്ന് രണ്ട് ദിവസം മുന്‍പേ എത്തി സര്‍വകലാശാലാ അതിഥി മന്ദിരത്തില്‍ താമസിക്കുകയായിരുന്നു. പ്രായത്തിന്റെ അവശതകള്‍ മറന്ന് ഇരുവരും ചടങ്ങ് തീരും വരെ സദസ്സിലിരുന്നു.
കാലിക്കറ്റിലെത്തുന്നതിന് മുന്‍പ് സാക്ഷരതാമിഷനിലും കെ.എസ്.ആര്‍.ടി.സി.യിലും സരസന്‍ ജോലി ചെയ്തിട്ടുണ്ട്. സാക്ഷരതാ പ്രവര്‍ത്തനത്തിന് രാഷ്ട്രപതിയുടെ പുരസ്‌കാരവും നേടിയിരുന്നു. സര്‍വകലാശാലാ ക്വാര്‍ട്ടേഴ്‌സിലാണ് താമസം. ഭാര്യ കവിതയും മകന്‍ വിദ്യാസാഗറും യാത്രയയപ്പ് ചടങ്ങിനെത്തിയിരുന്നു. കുടുംബത്തോടൊപ്പം അടുത്ത ദിവസം കൊല്ലത്തേക്ക് മടങ്ങുമെന്ന് സരസന്‍ പറഞ്ഞു. 


Related UPdates
newsletter

Subscribe to our email newsletter