26
Thursday
November 2020

26
Thursday
November 2020

Education UPDATES

കാലിക്കറ്റ് ബിരുദ ഏക ജാലകം ; ഇന്ന് ഉച്ച മുതൽ അപേക്ഷിക്കാം

13th of May 2019

തേഞ്ഞിപ്പലം: കാലിക്കറ്റ് സര്‍വകലാശാലക്ക് കീഴിലുള്ള കോളജുകളില്‍ ഒന്നാം സെമസ്റ്റര്‍ ബിരുദ പ്രവേശനത്തിനുള്ള ഏകജാലക ഓണ്‍ലൈന്‍ രജിസ്‌ട്രേഷന്‍ ഇന്ന് ഉച്ചക്ക് ശേഷം ആരംഭിക്കും. 

തൃശൂര്‍, മലപ്പുറം, പാലക്കാട്, കോഴിക്കോട്, വയനാട് ജില്ലകളിലെ 287 കോളജുകളിലെ സീറ്റുകളിലേക്കാണ് പ്രവേശനം. www.cuonline.ac.in എന്ന ലിങ്ക് വഴി ഈ മാസം 27 വരെ രജിസ്റ്റര്‍ ചെയ്യാം. ഈ മാസം 25 വരെ ഫീസടക്കാം. 280 രൂപയാണ് ഫീസ്. എസ് സി/എസ് ടി വിഭാഗത്തിന് 115 രൂപയാണ് ഫീസ്. മുന്‍ വര്‍ഷങ്ങളിലെ പോലെ ഏകജാലകസൈറ്റിലെ പേമന്റ് ഗേയില്‍ മറ്റ് ബാങ്കുകളുടെ ഡെബിറ്റ് കാര്‍ഡുകളുപേയാഗിച്ച്‌ ഇത്തവണ ഫീസടക്കാനാകില്ല.

എസ് ബി ഐ ഓണ്‍ലൈന്‍ വഴിയാണ് ഫീസടക്കേണ്ടത്. അക്ഷയ, ഫ്രന്റ്സ് ജനസേവന കേന്ദ്രങ്ങളിലും ഫീസടക്കാം.

വിദ്യാര്‍ഥികള്‍ക്ക് മാര്‍ഗനിര്‍ദേശം നല്‍കാന്‍ എല്ലാ കോളജുകളിലും നോഡല്‍ ഓഫീസര്‍മാരെ സജ്ജമാക്കിയിട്ടുണ്ട്. മൂന്ന് അലോട്ട്‌മെന്റിന് ശേഷമേ ഇത്തവണ അപേക്ഷയില്‍ തിരുത്തലുകള്‍ അനുവദിക്കൂ. നോഡല്‍ ഓഫീസര്‍മാര്‍ മുഖാന്തിരമാണ് തിരുത്തലുകള്‍ നടത്തേണ്ടത്. നോഡല്‍ ഓഫീസില്‍ രജിസ്‌ട്രേഷനും ഫീസടക്കാനും സൗകര്യമുണ്ട്. ആകെ 72000 ബിരുദ സീറ്റുകളുണ്ട്. 35000ഓളം സീറ്റുകളാണ് അലോട്ട്‌മെന്റിലുള്ളത്. ബാക്കിയുള്ളവ മാനേജ്‌മെന്‍റ്, കമ്മ്യൂണിറ്റി, സ്‌പോര്‍ട്‌സ് ക്വാട്ടകളിലുള്ളതാണ്.

മാനേജ്‌മെന്റ് സീറ്റുകളിലേക്ക് രജിസ്‌ട്രേഷന് ശേഷം അതത് കോളജുകളില്‍ അപേക്ഷ നല്‍കണം. സര്‍വകലാശാലയിലെ ഒരോ കോഴ്‌സിനും രണ്ട് ട്രാന്‍സ്‌ജെന്‍ഡേഴ്‌സിന് സംവരണമുണ്ട്. സി ബി എസ് ഇ, ഐ എസ് സി പരീക്ഷകള്‍ ജയിച്ചവര്‍ 12 ക്ലാസ് മാര്‍ക്ക് അവരവര്‍ തന്നെ ചേര്‍ക്കണമെന്നാണ് നിര്‍ദേശം ഹയര്‍ സെക്കന്‍ഡറി ബോര്‍ഡുകളുടെ മാര്‍ക്കുകള്‍ ഏകജാലക സോഫ്‌റ്റ് വെയറില്‍ ചേര്‍ക്കും. ആകെ മൂന്ന് അലോട്ട്‌മെന്‍റുകളാണുള്ളത്. ജൂണ്‍ 24ന് ക്ലാസുകള്‍ തുടങ്ങും. അപേക്ഷ സംബന്ധിച്ച വിശദവിവരങ്ങള്‍ www.cuonline.ac.inഎന്ന വെബ്‌സൈറ്റില്‍ ലഭ്യമാണ്.


Related UPdates
newsletter

Subscribe to our email newsletter