27
Monday
January 2020

27
Monday
January 2020

Education UPDATES

കാലിക്കറ്റ് സര്‍വ്വകലാശാല അറിയിപ്പുകള്‍

26th of February 2019

പരീക്ഷ

കാലിക്കറ്റ് സര്‍വകലാശാല മൂന്നാം സെമസ്റ്റര്‍ ബി.ആര്‍ക് റഗുലര്‍/സപ്ലിമെന്‍ററി/ഇംപ്രൂവ്മെന്‍റ് പരീക്ഷ മാര്‍ച്ച് 18-ന് ആരംഭിക്കും.

കാലിക്കറ്റ് സര്‍വകലാശാല അഞ്ചാം സെമസ്റ്റര്‍ ബി.ആര്‍ക് (2012, 2004 സ്കീം-2008 മുതല്‍ 2011 വരെ പ്രവേശനം) റഗുലര്‍/സപ്ലിമെന്‍ററി/ഇംപ്രൂവ്മെന്‍റ് പരീക്ഷ മാര്‍ച്ച് ആറിന് ആരംഭിക്കും.

എം.സി.എ സ്പെഷ്യല്‍ സപ്ലിമെന്‍ററി പരീക്ഷയില്‍ മാറ്റം:

കാലിക്കറ്റ് സര്‍വകലാശാല എം.സി.എ രണ്ട്, നാല് സെമസ്റ്റര്‍ (2010, 2011 പ്രവേശനം) സ്പെഷ്യല്‍ സപ്ലിമെന്‍ററി മാര്‍ച്ച് ഒന്നിന് നടത്താനിരുന്ന എം.സി.എ 10 201 ഗ്രാഫ് തിയറി ആന്‍റ് കോമ്പിനേറ്ററിക്സ് പരീക്ഷ മാര്‍ച്ച് 15-നും, ഫെബ്രുവരി 18-ന് നടത്തേണ്ടിയിരുന്ന എം.സി.എ 10 4014 ക്രിപ്റ്റോഗ്രാഫി ആന്‍റ് നെറ്റ്വര്‍ക്ക് സെക്യൂരിറ്റി പരീക്ഷ മാര്‍ച്ച് ഒന്നിനും നടത്തും.

പരീക്ഷാ അപേക്ഷ :
കാലിക്കറ്റ് സര്‍വകലാശാല മൂന്നാം സെമസ്റ്റര്‍ എം.എസ്.സി റേഡിയേഷന്‍ ഫിസിക്സ് (2015 മുതല്‍ പ്രവേശനം) റഗുലര്‍/സപ്ലിമെന്‍ററി/ഇംപ്രൂവവ്മെന്‍റ് പരീക്ഷക്ക് പിഴകൂടാതെ മാര്‍ച്ച് അഞ്ച് വരെയും 160 രൂപ പിഴയോടെ മാര്‍ച്ച് ഏഴ് വരെയും സാധാരണ ഫോമില്‍ അപേക്ഷിക്കാം.

27 മുതല്‍ നടത്താനിരുന്ന എല്‍.എല്‍.ബി പരീക്ഷ മാറ്റി:

കാലിക്കറ്റ് സര്‍വകലാശാല ഫെബ്രുവരി 27 മുതല്‍ നടത്താനിരുന്ന ആറാം സെമസ്റ്റര്‍ ബി.ബി.എ-എല്‍.എല്‍.ബി (ഓണേഴ്സ്, 2011 സ്കീം), രണ്ടാം സെമസ്റ്റര്‍ എല്‍.എല്‍.ബി യൂണിറ്ററി (ത്രിവത്സരം, 2015 സ്കീം) റഗുലര്‍/സപ്ലിമെന്‍ററി പരീക്ഷകള്‍ മാറ്റി.

ബി.വോക് പ്രാക്ടിക്കല്‍ മാറ്റി:

കാലിക്കറ്റ് സര്‍വകലാശാല ഫെബ്രുവരി 27 മുതല്‍ മാര്‍ച്ച് രണ്ട് വരെ നടത്താനിരുന്ന ഒന്നാം സെമസ്റ്റര്‍ ബി.വോക് മള്‍ട്ടിമീഡിയ/ബ്രോഡ്കാസ്റ്റിംഗ് ജേര്‍ണലിസം പ്രാക്ടിക്കല്‍ പരീക്ഷ മാറ്റി. പുതുക്കിയ തിയതി പിന്നീട് അറിയിക്കും.

എം.എ ഹിന്ദി പ്രീവിയസ് മാര്‍ക്ക് ലിസ്റ്റ്
കാലിക്കറ്റ് സര്‍വകലാശാല 2018 മെയില്‍ നടത്തിയ വിദൂരവിദ്യാഭ്യാസം എം.എ ഹിന്ദി പ്രീവിയസ് പരീക്ഷയുടെ മാര്‍ക്ക് ലിസ്റ്റ് പരീക്ഷ എഴുതിയ കേന്ദ്രത്തില്‍ നിന്ന് ഫെബ്രുവരി 28 മുതല്‍ വിതരണം ചെയ്യും. പാറമേക്കാവ് ആര്‍ട്സ് ആന്‍റ് സയന്‍സ് കോളേജില്‍ പരീക്ഷ എഴുതിയവര്‍ ശ്രീ കേരളവര്‍മ്മ കോളേജില്‍ നിന്നും മൊകേരി ഗവണ്‍മെന്‍റ് കോളേജില്‍ പരീക്ഷ എഴുതിയവര്‍ മടപ്പള്ളി ഗവണ്‍മെന്‍റ് കോളേജില്‍ നിന്നും മാര്‍ക്ക് ലിസ്റ്റുകള്‍ കൈപ്പറ്റണം.

പരീക്ഷാഫലം:
കാലിക്കറ്റ് സര്‍വകലാശാല 2018 നവംബറില്‍ നടത്തിയ ഒന്നാം സെമസ്റ്റര്‍ എം.എസ്.സി അപ്ലൈഡ് പ്ലാന്‍റ് സയന്‍സ് (സി.സി.എസ്.എസ്) പരീക്ഷാഫലം വെബ്സൈറ്റില്‍.

എം.കോം മൂല്യനിര്‍ണയ ക്യാമ്പ് :
കാലിക്കറ്റ് സര്‍വകലാശാല ഒന്നാം സെമസ്റ്റര്‍ എം.കോം (സി.യു.സി.എസ്.എസ്) പരീക്ഷയുടെ മൂല്യനിര്‍ണയ ക്യാമ്പ് മാര്‍ച്ച് ആറിന് തൃശൂര്‍ സെന്‍റ് തോമസ് കോളേജിലും (തൃശൂര്‍ സോണ്‍), നെന്മാറ എന്‍.എസ്.എസ് കോളേജിലും (പാലക്കാട് സോണ്‍), തിരൂരങ്ങാടി പി.എസ്.എം.ഒ കോളേജിലും (മലപ്പുറം സോണ്‍), കോഴിക്കോട് ഗവണ്‍മെന്‍റ് ആര്‍ട്സ് ആന്‍റ് സയന്‍സ് കോളേജിലും (കോഴിക്കോട്, വയനാട് സോണ്‍) നടക്കും. പി.ജി ക്ലാസുകളില്‍ ഒരു വര്‍ഷത്തില്‍ കൂടുതല്‍ അധ്യാപന പരിചയമുള്ളവര്‍ ക്യാമ്പില്‍ നിര്‍ബന്ധമായും പങ്കെടുക്കണമെന്ന് പരീക്ഷാ കണ്‍ട്രോളര്‍ അറിയിച്ചു.


Related UPdates
newsletter

Subscribe to our email newsletter