19
Tuesday
January 2021

19
Tuesday
January 2021

Stories UPDATES

മലപ്പുറത്ത് ഒരു ഓൺലൈൻ കല്യാണം

1st of April 2020

ഈ കൊറോണക്കാലത്ത് മലപ്പുറത്ത് ഒരു ഓൺലൈൻ കല്യാണം നടത്തി മാതൃകയായിരിക്കുകയാണ് വേങ്ങര മച്ചിങ്ങൽ അബ്ദുസമദിൻ്റെ മകൻ ഫിറോസും മലപ്പുറം കോഡൂർ പുല്ലൻ കുലവൻ കുഞ്ഞുമുഹമ്മദിൻ്റെ മകൾ മുഫീദയും.

രാജ്യം ലോക്ക് ഡൗണിലായപ്പോൾ ഓൺ ലൈൻ ആപ്പായ സൂം ആപ്ലിക്കേഷൻ ഉപയോഗിച്ചാണ് വിവാഹത്തിലേക്ക് അതിഥികളെ പങ്കെടുപ്പിച്ചത്.സമീപത്തും വിദേശത്തുമുള്ള സുഹൃത്തുക്കളെയും ബന്ധുക്കളെയും ഒരുമിപ്പിച്ചാണ് ചടങ്ങ് അവിസ്മരണീയമാക്കിയത്.

അക്കൗണ്ടന്റ് ആയ ഫിറോസിന്റെ നിക്കാഹ് നേരത്തെ കഴിഞ്ഞിരുന്നു. സൗദിയില്‍ ജോലിചെയ്യുന്ന ജേഷ്ഠന്‍ റിയാസും പിതാവും ഒരുമിച്ചു നാട്ടിലുള്ള സമയം വിവാഹം നടത്താനായിരുന്നു നിശ്ചയിച്ചിരുന്നത്. തുടര്‍ന്ന് മണ്ഡപമുള്‍പ്പെടെ ബുക്കു ചെയ്യുകയും സുഹൃത്തുക്കളെയും ബന്ധുക്കളെയും ക്ഷണിക്കുകയും ചെയ്തിരുന്നു.അതിനിടെയാണ് സംസ്ഥാനത്ത് കൊറോണ ഭീതിയും കര്‍ശന നിയന്ത്രണങ്ങളും ആരംഭിച്ചത്.

നിശ്ചയിച്ച ദിവസം തന്നെ വരനും വീട്ടുകാരുമുള്‍പ്പെടെ ആറംഗസംഘം വധൂഗൃഹത്തിലെത്തി. അവിടെ വീട്ടുകാര്‍ മാത്രമുള്ള വിരുന്നും കഴിഞ്ഞ് വധുവിനെയും അണിയിച്ചൊരുക്കി വീട്ടിലേക്ക് കൂട്ടിക്കൊണ്ടുവന്നു.


Related UPdates
newsletter

Subscribe to our email newsletter