3
Friday
July 2020

3
Friday
July 2020

News UPDATES

താൻ മരിച്ചിട്ടില്ലെന്ന് ജയസൂര്യ, വാർത്ത വ്യാജമെന്ന് താരം

27th of May 2019

തി‌ങ്കളാഴ്ച രാവിലെ ക്രിക്കറ്റ് പ്രേമികളെ ഞെട്ടിച്ച വാർത്തയുമായാണ് സോഷ്യൽ മീഡിയ തുറന്നത് . ശ്രീലങ്കന്‍ ക്രിക്കറ്റ് താരം സനത് ജയസൂര്യ വാഹനാപകടത്തില്‍ മരിച്ചു എന്ന വാര്‍ത്ത ക്രിക്കറ്റ് ലോകത്തെ മുഴുവന്‍ ഞെട്ടിച്ചു. കാനഡയില്‍ വെച്ച്‌ റോഡപകടത്തില്‍ താരത്തിന് ഗുരുതര പരിക്കേറ്റെന്നും, പിന്നീട് ആശുപത്രിയില്‍ വെച്ച്‌ മരണം സംഭവിച്ചുമെന്നായിരുന്നു വാര്‍ത്ത. സമൂഹ മാധ്യമങ്ങളിലൂടെ കാട്ടുതീ പോലെയാണ് ഈ വാര്‍ത്ത പരന്നത്. ഇതോടെ രവിചന്ദ്രന്‍ അശ്വിനടക്കമുള്ള പല ക്രിക്കറ്റ് താരങ്ങളും സംഭവത്തിലെ സത്യാവസ്ഥ അറിയാന്‍ രംഗത്തെത്തി‌.

അവസാനമിതാ സംഭവത്തിന്റെ സത്യാവസ്ഥ വെളിപ്പെടുത്തി ജയസൂര്യ തന്നെ രംഗത്തെത്തിയിരിക്കുന്നു.

തനിക്കൊന്നും സംഭവിച്ചിട്ടില്ലെന്നും, പുറത്ത് വരുന്ന വാര്‍ത്തകള്‍ വ്യാജമാണെന്നും പറഞ്ഞ ലങ്കന്‍ താരം, ഇത്തരത്തിലൊരു വാര്‍ത്ത ഷെയര്‍ ചെയ്യരുതെന്നും ആരാധകരോട് ആവശ്യപ്പെട്ടു. ഇത്തരത്തിലൊരു വ്യാജ വാര്‍ത്ത കഴിഞ്ഞ ദിവസം രാത്രി മുതല്‍ പുറത്ത് വരുന്നുണ്ടെന്നും, അതിനെ നിങ്ങള്‍ അവഗണിക്കണമെന്നും ക്രിക്കറ്റ് പ്രേമികളോടായി ജയസൂര്യ പറഞ്ഞു. വ്യാജ വാര്‍ത്തയില്‍ പ്രതികരണവുമായി ജയസൂര്യ തന്നെ രംഗത്തെത്തുകയായിരുന്നു


Related UPdates
newsletter

Subscribe to our email newsletter