3
Friday
July 2020

3
Friday
July 2020

News UPDATES

പാക്കിസ്ഥാനില്‍ ഇന്ത്യന്‍ സിനിമകള്‍ നിരോധിച്ചു; പരസ്യങ്ങള്‍ക്കും ബഹിഷ്‌കരിക്കും

27th of February 2019

Source: International New Agencies

കറാച്ചി : പുല്‍വാമ അക്രമത്തിന് പ്രതിരോധമായി ഇന്ത്യ പാക്കിസ്ഥാന്‍ അതിര്‍ത്തി കടന്ന് നടത്തിയ വ്യോമാക്രമണത്തില്‍ പ്രതിഷേധിച്ച് പാകിസ്താനില്‍ എല്ലാ ബോളിവുഡ് ചിത്രങ്ങളുടെ പ്രദര്‍ശനം നിരോധിച്ചു.കൂടാതെ പരസ്യ ചിത്രങ്ങള്‍ക്കും വിലക്കേര്‍പ്പെടുത്തിയതായി അന്താരഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.പാക്കിസ്ഥാന്‍ ഫിലിം എക്‌സിബിറ്റേഴ്‌സ് അസോസിയേഷന്‍ ഇന്ത്യന്‍ പരസ്യങ്ങളെ ബഹിഷ്‌കരിക്കാനും തീരുമാനിച്ചതായി ഫവാദില്‍ ചൗധരി പറഞ്ഞതായി റിപ്പോര്‍ട്ട്.പാകിസ്താനില്‍ ഒരു ഇന്ത്യന്‍ സിനിമയും പുറത്തിറങ്ങില്ലെന്ന് അദ്ദേഹം ട്വിറ്ററില്‍ എഴുതി.പാക് ടെലിവിഷന്‍ ചാനലുകളില്‍ ഇന്ത്യന്‍ പരസ്യങ്ങള്‍ നല്‍കുന്നതിനെതിരെ പാകിസ്താന്‍ ഇലക്ട്രോണിക് മീഡിയ റെഗുലേറ്ററി അതോറിറ്റിയുടെ(PEMRA)നിര്‍ദ്ദേശം നല്‍കിയിട്ടുണ്ടെന്നും ചൗധരി പറഞ്ഞതായാണ് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നത്.

'കലയും സിനിമയും അതിര്‍വരമ്പുകളെ മറികടന്ന് ജനങ്ങളെ കൂടുതല്‍ അടുപ്പിക്കുന്ന ഒരു സാര്‍വത്രിക ഭാഷയാണെന്ന് ഞങ്ങള്‍ വിശ്വസിക്കുന്നു, എല്ലാ മേഖലകളിലും ജനങ്ങള്‍ക്ക് സമാധാനവും സമൃദ്ധിയും കൈവരുന്ന നയങ്ങള്‍ക്ക് പിന്തുണ നല്‍കുന്ന നയങ്ങളെ പിന്തുണയ്ക്കാന്‍ എല്ലാവര്‍ക്കും നല്ല പങ്കു വഹിക്കാനാകുമെന്ന് ഞങ്ങള്‍ പ്രതീക്ഷിക്കുന്നു,' പാക്കിസ്ഥാൻ ഫിലിം എക്‌സിബിറ്റേഴ്‌സ് അസോസിയേഷന്‍ ചെയര്‍പേഴ്‌സണ്‍ സോരിസ് ലാഷാരി പറഞ്ഞു


Related UPdates
newsletter

Subscribe to our email newsletter