6
Saturday
June 2020

6
Saturday
June 2020

News UPDATES

മുംബൈയിൽ കൊവിഡ് രോഗികൾക്കൊപ്പം മൃതദേഹങ്ങൾ

7th of May 2020

മുംബയ് ആശുപത്രിയിലെ വാര്‍ഡില്‍ കൊറോണ വൈറസ് ബാധിച്ച രോഗികള്‍ക്ക് സമീപം, കൊറോണ ബാധിച്ച്‌ മരിച്ചവരുടെ ശരീരങ്ങള്‍ കിടത്തിയത് വിവാദമാകുന്നു. കവര്‍ ചെയ്ത നിലയിലുള്ള മൃതദേഹങ്ങളാണ് രോഗികളുടെ കിടക്കകള്‍ക്ക് സമീപം കിടത്തിയിരിക്കുന്നത്. ഇതിന്റെ മൊബൈലില്‍ പകര്‍ത്തിയ വീഡിയോ പുറത്തുവരുകയും സോഷ്യല്‍മീഡിയയില്‍ വ്യാപകമായി പ്രചരിക്കുകയും ചെയ്തിട്ടുണ്ട്. മുംബയ് സയോണ്‍ ഹോസ്പിറ്റലില്‍ നിന്നുള്ളതാണ് ദൃശ്യങ്ങള്‍. ബ്രിഹന്‍ മുംബയ് മുനിസിപ്പല്‍ കോര്‍പ്പറേഷനൻ്റെ (ബിഎംസി) ഉടമസ്ഥതയിലുള്ളതാണ് സയോണ്‍ ഹോസ്പിറ്റല്‍.

രോഗികള്‍ കിടക്കുന്നതിന് സമീപം ഏഴ് മൃതദേഹങ്ങളാണ് കിടത്തിയിരിക്കുന്നത്. രോഗികളുടെ കൂട്ടിരിപ്പുകാരായി ബന്ധുക്കള്‍ സമീപമുണ്ട്.

ഇവര്‍ മൃതദേഹങ്ങള്‍ കിടത്തിയിരിക്കുന്നത് അവഗണിക്കുകയാണ്. ബിജെപി എംഎല്‍എ നിതീഷ് റാണെയാണ് വീഡിയോ പുറത്തുവിട്ടത്. എന്ത് തരത്തിലുള്ള ഭരണമാണിത്. വളരെയധികം ലജ്ജാകരം എന്ന് നിതീഷ് റാണെ പറയുന്നു.

അതേസമയം മരിച്ചവരുടെ ബന്ധുക്കള്‍ മൃതദേഹങ്ങള്‍ കൊണ്ടുപോകാന്‍ തയ്യാറാകുന്നില്ലെന്നും ഇതുകൊണ്ടാണ് മൃതദേഹങ്ങള്‍ ഇങ്ങനെ കിടത്തേണ്ടി വരുന്നത് എന്നും സയോണ്‍ ഹോസ്പിറ്റല്‍ ഡീന്‍ പ്രമോദ് ഇന്‍ഗാലെ, വാര്‍ത്താ ഏജന്‍സിയായ പിടിഐയോട് പറഞ്ഞു. മൃതദേഹങ്ങള്‍ മാറ്റിയതായും അന്വേഷണം തുടങ്ങിയിട്ടുണ്ടെന്നും ഡീന്‍ അറിയിച്ചു. മോര്‍ച്ചറിയില്‍ 15 സ്ലോട്ടുകളേ ഉള്ളൂ. 11 എണ്ണത്തിലും മൃതദേഹങ്ങളുണ്ട്. കോവിഡ് മൂലം മരിച്ചവരുടെയെല്ലാം മൃതദേഹങ്ങള്‍ മോര്‍ച്ചറിയിലേയ്ക്ക് മാറ്റിയാല്‍ അത് കോവിഡ് മൂലമല്ലാതെ മരിച്ചവരുടെ മൃതദേഹങ്ങളെ ബാധിക്കുമെന്നും ഡീന്‍ പറഞ്ഞു. മൃതദേഹങ്ങള്‍ കൃത്യമായി പാക്ക് ചെയ്തിട്ടുള്ളതിനാല്‍ വൈറസ് പകരുന്ന പ്രശ്‌നമില്ല എന്നാണ് ഹോസ്പിറ്റല്‍ അധികൃതരുടെ വാദം.

മഹാരാഷ്ട്രയില്‍ ഇതുവരെ 651 പേരാണ് കോവിഡ് മൂലം മരിച്ചത്. 16758 പേര്‍ ചികിത്സയിലാണ്. 3098 പേര്‍ രോഗമുക്തി നേടി. മുംബൈയില്‍ കേസുകള്‍ 10714 ആയി. മുംബൈയില്‍ മാത്രം 400ലധികം പേര്‍ മരിച്ചു.


Related UPdates
newsletter

Subscribe to our email newsletter