5
Sunday
April 2020

5
Sunday
April 2020

News UPDATES

ഭീരുത്വം പരാജിതരുടെ രീതിയാണ് നാം അതിജീവിക്കുക തന്നെ ചെയ്യും: മുനവ്വറലി തങ്ങൾ

7th of March 2020

മീഡിയ വൺ, ഏഷ്യ നെറ്റ് മാധ്യമ വിലക്കിനെതിരെ പ്രതിഷേധവുമായി പ്രമുഖർ രംഗത്ത്. ഭീരുത്വം പരാജിതരുടെ രീതിയാണെന്നും നാം ഇതിനെതിരെ അതിജീവിക്കുമെന്നും മതേതര വിശ്വാസികൾ ശക്തമായി പ്രതിഷേധിക്കണമെന്നും മുസ്ലിം യൂത്ത് ലീഗ് പ്രസിഡൻ്റ് പാണക്കാട് സയ്യിദ് മുനവ്വറലി ശിഹാബ് തങ്ങൾ ഫെയ്സ് ബുക്ക് പോസ്റ്റിലൂടെ അറിയിച്ചു.

ഫെയ്സ് ബുക്ക് കുറിപ്പ്:

ഓരോ എതിർ ശബ്ദങ്ങളെയും അവർ ഭയപ്പെടുന്നു.
ആ ഭയത്തിന്റെ പ്രതിഫലനമാണ് ഈ നിരോധനവും.ഫാഷിസം എത്രമേൽ ഭീരുത്വം നിറഞ്ഞതാണെന്ന് നമുക്ക് ഓരോ ദിവസവും ബോധ്യപ്പെടുകയാണ്.

കലാപബാധിത പ്രദേശത്ത് ഏഷ്യാനെറ്റിലെ പി ആർ സുനിലും സംഘവും നടത്തിയ ധീരമായ മാധ്യമ റിപ്പോർട്ടിംഗ് നാം കാണുകയുണ്ടായി.സത്യസന്ധമായ ആ റിപ്പോർട്ടിംഗ് ഈ ഫാഷിസ്റ്റ് കാലത്ത് വാക്കുകൾക്കതീതമായിവാക്കുകൾക്കതീതമായിരുന്നു.മിനിസ്റ്ററി ഓഫ് ഇൻഫർമേഷൻ ബ്രോഡ് കാസ്റ്റിംഗ് നൽകിയ നോട്ടീസിൽ മീഡിയ വൺ ചാനൽ ചെയ്ത കുറ്റം സിഎഎ അനുകൂലികൾ നടത്തിയ ആക്രമണങ്ങളെ ടെലികാസ്റ്റ് ചെയ്തു, ആർ എസ് എസിനെ വിമർശിച്ചു എന്നതൊക്കെയാണ്.

സത്യസന്ധമായ മീഡിയ പ്രവർത്തനവും അഭിപ്രായ സ്വരാന്ത്യവുമൊക്കെ വലിയ കുറ്റങ്ങളായി മാറിയിട്ട് കാലം കുറച്ചായി. ഇപ്പോഴത് മലയാളികളായ നമ്മെയും തേടിയെത്തിയിരിക്കുന്നു. നാമൊന്നായി ഇതിനെതിരെ ശബ്ദമുയർത്തുക. ജനാധിപത്യ പ്രതിഷേധം ശക്തമാവട്ടെ.തീർച്ചയായും ഭീരുത്വം പരാജിതരുടെ രീതിയാണ്. നാം അതിജയിക്കുക തന്നെ ചെയ്യും.


Related UPdates
newsletter

Subscribe to our email newsletter